I denne artikkelen gjer vi greie for korleis FolkOrg sitt arbeid for å fremje vilkåra for yrkesutøvarar innan folkemusikk og folkedans er organisert og forankra i organisasjonens vedtektar. 

Bakgrunn og representasjon
Gruppa av yrkesutøvarar er særskild nemnd i vedtektene til FolkOrg og er definert slik: ”Med yrkesutøvar meiner ein utøvarar som har inntekt av folkemusikk og/eller folkedans”.  Utifår denne definisjonen reknast pedagogar, instruktørar, regissørar, produsentar og instrumentmakarar som yrkesutøvarar i FolkOrg, som har heilt eller delvis inntekta si frå utøving av folkemusikk og folkedans. 

Jamfør vedtektene kan yrkesutøvarane sende inntil 10 delegatar til årsmøtet og har minimum 2 representantar i styret, minst ein av desse skal sitje i AU. Som ein konsekvens av at NFD og LfS slutta seg saman og danna FolkOrg, er det viktig at FolkOrg held fram det gode arbeidet NFD gjorde for yrkesutøvarane. Samstundes skal FolkOrg halde fram det gode arbeidet med lokallaga som LfS gjorde. Behova til dei to gruppene er ulike, samstundes som dei er gjensidig avhengige av kvarandre.

Det er fleire årsaker til at vi ønskjer å registere dei av våre medlemmar som er yrkesutøvara. Døme på det er; 

  • Vi må ha ei gruppe å velje styremedlem og utsendingar til årsmøtet ut frå
  • Vi ønskjer å ha ei gruppe som vi kan rådføre oss med i saker som gjeld yrkesutøvarar
  • Det er nyttig å ha tal på kor mange yrkesutøvarar som finst på feltet, og kva dei er utøvarar i, slik at vi enklare kan sende ut viktig informasjon til denne gruppa

 

Rådgjevar for yrkesutøvarar

FolkOrg har ein ansatt i administrasjonen som har yrkesutøvarfeltet som del av si stilling. Rådgjevaren fungerer som bindeledd mellom styret og medlemmene, hen administrerer fagutvalets møter, er sekretær for utvalet og er sakshandsamar på saker til styret som gjeld yrkesutøvarane. Saman med fagutvalet bidreg rådgjevaren til å skape møteplassar for yrkesutøvarane, både digitalt og fysisk. 

Mandat for fagutvalet

Utvalet for yrkesutøvarar er eit fagleg organ for yrkesutøvarfeltet i FolkOrg. Utvalet skal handsame saker som vedgår yrkesutøvarane, og gje råd til styret i slike saker. 

Organisering av arbeidet

Styret stiller administrative ressursar til rådvelde for utvalet, m.a. med rådgjevar som har yrkesutøvarfeltet som del av si stilling, og som også fungerer som sekretær for utvalet. 

Utvalet har fire til seks møte i året, og eit årleg møte med styret. 
Samansettinga av utvalet og valordning er regulert i vedtektene. 

Kvifor fagutval

FolkOrg ynskjer ei og ope god dialog med dei av våre medlemmar som er yrkesutøvarar for å ta tempen på korleis ståa er og for å kunne arbeide got med fremje betre kår på yrkesutøvarfeltet. Vårt mål er at fleire kan leve av å utøve folkemusikk og folkedans i framtida! 

Som yrkesutøvar kan medlemmane lyfte saker til styret via rådgjevar, medlemmane i fagutvalet, eller de valgte styrerepresentantane i styret frå yrkesutøvarfeltet. 

Eksemplar på kva yrkesutøvarane og FolkOrg skal arbeide med er: kulturpolitisk arbeid, samarbeid med MFO og utdanningsinstitusjonane, opphavsrettar, samarbeid kring Folkelarm og andre bransjetreff i Europa, arbeide mot arrangørane, fagleg påfyll og erfaringsutveksling.