Landsmøtet i FolkOrg 2025

PRISAR
Overnatting på Anker Hotell: Enkeltrom kr. 1020,- / kr 1190,- (Førstemann til mølla får billigaste pris!). Dobbeltrom kr. 1250,- 

Dagpakke landsmøte pr. person pr. dag kr 500,- (møte m/lunsj)

Vi kan ikkje garantere overnattingsplass til dei som melder seg på etter fristen. Påmeldte som ikkje kjem på møtet, og som ikkje har meldt avbod, må rekne med å måtte betale opphaldsutgiftene.

Det vil bli sendt ut faktura i etterkant.

REISE
Utsendingane avtaler med sitt lokallag om ordning for dekking av reisa knytt til landsmøtet. Lokallaget sender søknad til FolkOrg om tilskot til reise for sine utsendingar. Søknad om kompensasjon sendast inn i etterkant av landsmøtet inkludert utfylt versjon av dette reiserekningsskjemaet. Innsending må skje innan 1. juni 2025. 

PÅMELDING OG FULLMAKTSKJEMA
Siste frist for påmelding var søndag 23. mars. I tillegg til påmelding, må fullmaktskjema signert av leiar i laget, sendast til jorun@folkorg.no innan påmeldingsfristen. Har du spørsmål, ta kontakt med Jorun Hagen, e-post: jorun@folkorg.no, telefon: 22005622.

LANDSMØTEMIDDAG
Landsmøtemiddag laurdag kl 19 på Olympen “Lompa” Restaurant. Landsmøtemiddagen er ein trerettarsmiddag, og krev påmelding. Pris for landsmøtemiddag er 600 kr + drikke. Det vil bli sendt ut faktura i etterkant. 

DANSEFEST PÅ RIKSSCENEN
Laurdag kveld er det stor dansefest på Riksscenen med m.a. Ein haile halve maone. MERK: Alle må kjøpe billett til denne direkte på Riksscenen sine nettsider sjølv - bruk koden "Heisann" for 50% FolkOrg-rabatt ved kjøp av ordinær online billett.

_____

VIKTIG INFO FRÅ VEDTEKTENE:

Utsendingar til landsmøtet
Om utsendingar til landsmøtet seier vedtektene:  

§6 Utsendingar til landsmøtet . Stemmerett på landsmøtet har:  
A) Utsendingar frå lokallag, gruppa av yrkesutøvarar eller faglag som er tekne opp som medlemmer og som har betalt kontingent for siste meldingsår innan 31. desember etter følgjande skala:  

a. Lag med inntil 30 medlemmer: 1 utsending 
b. Lag med 30–99 medlemmer: 2 utsendingar
c. Lag med 100-199 medlemmer: 3 utsendingar
d. Lag med 200-299 medlemmer: 4 utsendingar
e. Lag med 300-399 medlemmer: 5 utsendingar
f. Lag med over 400 medlemmer: 6 utsendingar

B) To utsendingar frå kvart faglag som i hovudsak har institusjonar som medlemmer

C) Ein utsending frå kvart områdelag

D) Styret og varamedlemmer for dei styremedlemmene som ikkje kan møte på landsmøtet

• Einskildpersonar som ikkje står tilslutta noko lokallag eller faglag, har ikkje stemmerett.   
• Det kan ikkje nyttast fullmakter. Kvar utsending kan berre representere eitt lag.  Alle medlemmer og tilsette i organisasjonen har talerett på landsmøtet. Styret kan invitere andre institusjonar og organisasjonar som observatørar med talerett til landsmøtet.»
• Det er medlemstalet pr. 31.12.2024 som er grunnlaget for representasjonen til landsmøtet.
• Alle utsendingar må ha gyldig medlemskap. Ta kontakt om de har spørsmål kring medlemskapen.

For spørsmål om landsmøtet ta gjerne kontakt
Aslak Brimi, dagleg leiar
aslak@folkorg.no

Kva skal FolkOrg arbeide med framover? 

Verdigrunnlag
FolkOrg – organisasjon for folkemusikk og folkedans har som føremål å arbeide for at folkemusikken og folkedansen i Noreg skal få ei sterkare rolle og betre vilkår i samfunnet, og med det fremje både kulturarv og god folkehelse. Levande folkemusikk- og dansetradisjonar i Noreg står for eit mangfald av ulike sjangrar og lokale variantar. Dei har fått si form gjennom langvarig bruk og utgjer fullverdig kunst i seg sjølv. Ei styrking, synleggjering og formidling av dei levande folkemusikk- og dansetradisjonane i Noreg står sentralt i FolkOrg sitt arbeid, og organisasjonen skal som ei naturleg følgje av ei levande tradisjonsforståing fremje utvikling og nyskaping på tradisjonelt grunnlag. FolkOrg vil sikre best moglege vilkår for lag, utøvarar, medlemmer, arrangørar og publikum. Dette er med på å sikre høgt kunstnarleg nivå, god rekruttering, breidd og vidareføring av tradisjonane på området.

Visjon
Vi vil engasjere medlemmer og publikum gjennom å vise mangfald, eigenart, aktivitet, musikk- og danseglede, og vil vere ein livskraftig, moderne kulturorganisasjon med røter i tradisjon.

LANGTIDSPLAN
Det er landsmøtet som vedtek kva FolkOrg skal arbeide med framover. 
Her kan du lese langtidsplanen som vart vedteke på landsmøtet i 2023. 

Alle medlemmer i FolkOrg har talerett og anledning til å sende inn saker til landsmøtet.

Frist for å fremje saker til landsmøtet var 15. januar 2024. 

Styret i FolkOrg etter valet på landsmøtet 2023​

Leiar: Hilde Reitan​
Nestleiar: Camilla Granlien​
Nestleiar: Kristian Ihle Hanto​

Styremedlem: Thomas Nilssen​
Styremedlem: Lene Furuli​
Styremedlem: Torfinn Hofstad
Styremedlem: Tormod Kleiveland ​

1.vara: Anders L. Herfoss ​
2.vara: Helene Høye
3.vara: Gro Skanke Raatama ​

Fagutval for yrkesutøvarar ​
Ingebjørg Lognvik Reinholdt​
Mattias Thedens​
Jon Bugge Mariussen ​

Tilsynsnemnd ​
Torunn Raftevoll Rue​
Per Øyvind Tveiten
Karolina Westling 

Valnemnda ​
Solveig Brekke Hauknes​
Nina Furuli​
Per Anders Buen Garnås

Her finn du kontaktinformasjon til alle som er i styret

Observatør
Medlem i FolkOrg som ønskjer å delta på Landsmøtet. Alle medlemmar har talerett. 
Du kan melde på deg sjølv som observatør om du er medlem i FolkOrg, du treng ikkje vere tilknytta eit lokallag. 
For påmelding av observatørar / medlemmer ta kontakt med Jorun Hagen, e-post: jorun@folkorg.no, telefon: 22005622

Utsending
Utsending har stemmerett og talerett. 

Observatør / medlem har talerett