Søkjer kandidatar til Egil Storbekkens musikkpris

Det skriv komiteen sjølv i ei pressemelding som mellom anna er delt med medlemmene av Norsk lur- og bukkehornlag på Facebook. Prisen er i dag eit samarbeid mellom NOPA, Norsk lur- og bukkhornlag, Tolga kommune og familien Storbekken.  

I fjor gjekk prisen til Oddrunn Hegge, instrumentmakar, musikar og pedagog frå Valdres. Det er personar som har gjort ein ekstraordinær innsats for norsk folkemusikk og spesielt for dei eldre folkemusikkinstrumenta som er aktuelle for prisen. Mottakarane kan arbeide innanfor utøving, arrangering og komponering, forsking og formidling, instrumentbygging og instrumentutvikling, eller med å formidle musikken etter Egil Storbekken spesielt. Kandidatane kan kome frå heile landet. 

I år skal prisen delast ut på Tolga 29. juli, og priskomiteen vil ha inn forslag til kandidatar innan 1. juni. Forslaga kan sendast til j.simenstad@icloud.com.  

Prisen er på 25.000 kroner, pluss eit kunsverk.